xezerpress.az
xezerpress.az

Daşkəsən rayon Zağalı kənd inzibati ərazi dairəsi üzrə sabiq nümayəndə Hətəm Əzizovun barəsində olan cinayət işi məhkəmədə baxılır

55 226 dəfə baxılıb 31-03-2021, 20:49

Daşkəsən rayon Zağalı kənd inzibati ərazi dairəsi üzrə sabiq nümayəndə Hətəm Əzizovun barəsində olan cinayət işi məhkəmədə baxılır


Daşkəsən rayon Prokurorluğu tərəfindən Daşkəsən rayon Zağalı kənd inzibati ərazi dairəsi üzrə sabiq nümayəndə Əzizov Hətəm Musa oğlu barəsində Azərbaycan Respublikasının Cinayət Məcəlləsinin 308.1., 313 və 179.2.3-cü maddələri ilə təqsirləndirilməsinə dair cinayət işinin istintaqı yekunlaşdırılaraq Azərbaycan Respublikası Baş Prokurorluğunun nəzarəti ilə baxılması üçün Daşkəsən rayon Məhkəməsinə göndərilmişdir.

31 mart 2021-ci il tarixdə məhkəmənin hazırlıq iclası keçirilmişdir. Növbəti məhkəmə prosesi 14 aprel 2021-il tarixdə keçiriləcəkdir.

Məlumat üçün qeyd edirik ki, cinayət əməllərinə görə təqsirləndirilən Hətəm Əzizov 11.08.2000-ci il tarixdə Azərbaycan Respublikasının Cinayət Məcəlləsinin 168-ci maddəsinin 2-ci hissəsi ilə təqsirli bilinərək məhkəmənin hökmü ilə 2 il altı ay azadlıqdan məhrum edilmişdir. Hətəm Əzizov cəzasını həbsxanada çəkdikdən sonra o, müəyyən vəzifə tutma və ya müəyyən fəaliyyətlə məşğul olma hüquqlarından məhrum olunsa da, lakin bunu əmək kitabçasında və tərcümeyi-halında saxtalaşdıraraq təqdim etdiyi saxta arayışlar əsasında məhkumluğunu gizlətmiş, cinayət əməllərini təkrar davam etdirmişdir.

Hətəm Əzizov həmçinin saxta arayışlar əsasında Daşkəsən rayonunun yay-otlaq sahələrinə külli miqdarda mal-qara gətirmiş, Xoşbulaq kəndində örüş-otlaq sahələrini zəbt etməklə vətəndaşlara ziyan vurmuş, nəticədə kənd sakinləri arasında narazılıq və qarşıdurma yaratmışdır. Belə qanunazidd, cinayət əməlləri ilə bağlı Azərbaycan Respublikasının Prezidentinin Administrasiyasının tapşırığı ilə Respublika Baş Prokurorluğunun nəzarəti altında Hətəm Əzizovun barəsində cinayət işi başlanaraq istintaq aparılmışdır. Çoxsaylı cinayət əməllərinə görə təqsirləndirilən Hətəm Əzizovun barəsində cinayət faktları zərər çəkən ayrı-ayrı şəxslərin və şahidlərin ifadələri ilə, habelə digər təsdiqedici materiallar ilə Daşkəsən rayon Prokurorluğunda tam sübut olunmuşdur. Hazırda Azərbaycan Respublikasının Cinayət Məcəlləsinin 308.1., 313 və 179.2.3. maddələri ilə törədilmiş cinayət işinə hüquqi qiymət verilməsi üçün vəzifəsindən sui-istifadə etmiş, fırıldaqçı və dələduz Hətəm Əzizovun cinayət məsuliyyətinə cəlb olunması üçün məhkəmə prosesi davam edir.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
MARAQLI
ŞOU-BİZNES
TƏQVİM
«    Sentyabr 2021    »
BeÇaÇCaCŞB
 12345
6789101112
13141516171819
20212223242526
27282930 
MƏZƏNNƏ
 Valyuta məzənnəsi