Absheron Media

Azərbaycanda daha 43 nəfər koronavirusa yoluxdu — RƏSMİ

Tarix:27-03-2020, 20:17
Baxış Sayı:35

Azərbaycanda daha 43 nəfər koronavirusa yoluxdu — RƏSMİ


Azərbaycan Respublikasında 43 yeni koronavirus (COVID-19) infeksiyasına yoluxma faktı qeydə alınıb.

Nazirlər Kabineti yanında Operativ Qərargahdan bu barədə məlumat veriblər.

Hazırda Azərbaycanda xüsusi rejimli xəstəxanalara yerləşdirilən 147 nəfər aktiv koronavirus xəstəsi həkim nəzarəti altındadır, onlardan altı nəfərin vəziyyəti ağır, 11 nəfərin vəziyyəti isə orta ağır qiymətləndirilir, digərlərinin səhhəti stabildir. Həmin şəxslərin müalicəsi ilə bağlı zəruri tədbirlər davam etdirilir.
Ölkədə infeksiyaya yoluxma hallarının müəyyənləşdirilməsi məqsədilə müxtəlif karantin zonalarına yerləşdirilən 3485 nəfərin müayinəsi ilə bağlı müvafiq tədbirlər görülür. Azərbaycanda koronavirusa yoluxma halları ölkəmizə xaricdən gələn şəxslər sırasında və ölkə daxilində insanların bir-birini yoluxdurması faktları üzrə aşkarlanır.

Bundan başqa, ölkəmizin müxtəlif regionlarında yaşayan insanlar arasında da infeksiyaya yoluxma halları qeydə alınır. İnfeksiyanın geniş yayılmasına yol verməmək üçün vətəndaşlarımızdan özünütəcrid tədbirlərinə uyğun davranmaq, yalnız ciddi ehtiyac yarandıqda evdən çıxmaq, digər şəxslərlə minimum kontaktda olmaq, insanların sıx toplaşdığı yerlərə getməmək və xüsusi karantin rejiminə əməl etmək tələb olunur.

Vətəndaşlarımızı bir daha şəxsi gigiyena qaydalarına, Ümumdünya Səhiyyə Təşkilatının, Nazirlər Kabineti yanında Operativ Qərargahın tələb və tövsiyələrinə ciddi riayət etməyə çağırırıq. Xatırladaq ki, koronavirus infeksiyasının yayılmasının, onun törədə biləcəyi fəsadların qarşısının alınması məqsədilə martın 24-dən aprelin 20-dək Azərbaycanda xüsusi karantin rejimi elan olunub.

Xüsusi rejim qaydalarına əsasən, xüsusi təyinatlı avtomobillərin hərəkəti istisna olmaqla, Bakı, Sumqayıt şəhərləri və Abşeron rayonuna giriş və çıxış məhdudlaşdırılmış, 65 yaşdan yuxarı insanların evdən çıxması, ictimai yerlərdə, o cümlədən küçələrdə, bulvarlarda, parklarda və digər yerlərdə vətəndaşların 10 nəfərdən artıq qruplarda cəmləşməsi qadağan edilmiş, vətəndaşlara yerüstü nəqliyyatdan istifadə etmək, insnalararası təmaslarda iki metrlik məsafə saxlamaq, koronavirus xəstəliyi üçün xarakterik simptomların hiss olunduğu hallarda 103 və ya 15-42 nömrəli qaynar xəttlərə zəng etmək ciddi tövsiyə olunub.

Zelenski İlham Əliyevi təbrik etdi
Zelenski İlham Əliyevi təbrik etdi
XAÇMAZDA DƏHŞƏT-35 yaşlı kişini diri-diri yandırdılar
XAÇMAZDA DƏHŞƏT-35 yaşlı kişini diri-diri yandırdılar
Sabah 35 dərəcə isti olacaq
Sabah 35 dərəcə isti olacaq
Karantin cərimələri tutulmağa başladı — Maaş, pensiya, əmlaka həbs...
Karantin cərimələri tutulmağa başladı — Maaş, pensiya, əmlaka həbs...
Damla Azərbaycana qayıtdı, karantinə alındı — Özü açıqladı
Damla Azərbaycana qayıtdı, karantinə alındı — Özü açıqladı
TƏBİB və Bakı Media Mərkəzindən koronavirusla bağlı VİDEOÇARX
TƏBİB və Bakı Media Mərkəzindən koronavirusla bağlı VİDEOÇARX
Bakıda qadın sürücü 6 qat dünya çempionu olan polisi xəstəxanalıq etdi
Bakıda qadın sürücü 6 qat dünya çempionu olan polisi xəstəxanalıq etdi
Azərbaycanda zəlzələ oldu
Azərbaycanda zəlzələ oldu