xezerpress.az
xezerpress.az

Şəhid general Polad Həşimovun yaşadığı bina təmir olunur — VİDEO

53 191 dəfə baxılıb 10-08-2020, 13:20

Şəhid general Polad Həşimovun yaşadığı bina təmir olunur — VİDEO


Sumqayıt şəhərinin 13-cü mikrorayonu ərazisində Tovuzda baş verən döyüşlərdə şəhid olan general Polad Həşimovun bir vaxtlar yaşadığı binanın əsaslı təmirinə başlanılıb.
Baku TV xəbər verir ki, hazırda iki növbəli olmaqla, bir neçə briqada bu işə cəlb olunub.

Beş bloklu yaşayış binasının üzlüyü qaşınaraq, suvaq işləri aparılır. Dəmir çərçivələr qurulub, yüksək səviyyədə təmir işləri görülür. Dövlət tərəfindən həyata keçirilən işlər sakinlərin ürəyincədir.

Sumqayıt Şəhər İcra Hakimiyyətindən bildirilib ki, bir neçə gündür başlanan təmir-bərpa işlərinin qısa zamanda başa çatdırılması üçün lazımi tədbirlər görülüb.
Əraziyə tikinti materialları gətirilib. Əsaslı təmirin yüksək səviyyədə həyata keçirilməsi diqqət mərkəzində saxlanılır. Hazırda binanın ön üzlük hissəsi təmir olunaraq rənglənir.

Daha sonra giriş hissələrə müasir qapılar qoyulacaq. Binanın bütün kommunal xətləri yenilənəcək. Görülən işlər şəhid ailələrinin daim diqqət mərkəzində saxlanılmasının aydın təzahürüdür.

Yaşayış binasında həyata keçirilən təmir-bərpa və abadlıq işlərinin qısa müddət ərzində başa çatdırılması planlaşdırılır.


OXŞAR XƏBƏRLƏR
XƏBƏR LENTİ
BÜTÜN XƏBƏRLƏR
MARAQLI
ŞOU-BİZNES
TƏQVİM
«    Dekabr 2022    »
BeÇaÇCaCŞB
 1234
567891011
12131415161718
19202122232425
262728293031 
MƏZƏNNƏ
 Valyuta məzənnəsi